काठमान्डौ,असार ५।
नक्कली प्रमाणपत्र पेश गरेर उपचारमा संलग्न रहेका ३६ जना नक्कली डाक्टरलाई प्रहरी काठमाडौं जिल्ला अदालत लगेको छ।
केन्द्रीय अनुसन्धान ब्युरोले न्यायीक हिरासतमा राख्न अनुमति माग्न जिल्ला अदालत काठमाडौं लगेको ब्युरोका प्रमुख डिआइजी नवराज सिलवालले बताउनु भयो ।
काठमाडौंबाट समातिएका १५, पोखरा, चितवन, ललितपुर, विराटनगर लगायतका ठाउँबाट पक्राउ गरिएका डाक्टरहरु गरेर ३६ जनालाई अदालतमा उपस्थित गराएको हो।
पक्राउ परेका डाक्टरहरूले एमबिबिएस अध्ययनको लागि नक्कली प्रमाणपत्र पेश गरेको ब्युरोका प्रमुख डिआइजी नवराज सिलवालले बताउनु भयो ।
पक्राउ पर्ने ३६ मध्ये ३० जना पुरुष र ६ जना महिला नक्कली डाक्टर छन्। पक्राउ परेका डाक्टरको नक्कली सर्टि्फिकेट हो भन्ने प्रशस्तै आधार प्राप्त भएकोले सोही आधारमा उनीहरुलाई पक्राउ गरिएको डिआइजी सिलवालले जानकारी दिनु भयो ।
नेपाल चिकित्सक संघले डाक्टर पक्राउ परेको भन्दै ध्यानाकर्षण भएको जनाएको छ। उसले छानविन गर्ने विभिन्न निकाय हुँदाहुँदै कार्यक्षेत्रबाट गिरफ्तार गरेर प्रहरीले चिकित्सा पेशाको अपमान गरेको दाबी गरेको छ।
