काठमाडौ ३२ जेठ ।
नयाँ शक्ति नेपालको राजधानीमा जारी पार्टी स्थापना भेलाले विभिन्न तीन ओटा प्रतिवेदनमाथि छलफलसहित पारित गरेको छ ।
प्रतिवेदनमाथि विभिन्न १२ ओटा समुहका तर्फबाट टोली नेताले धारणा राखेसंगै तीनओटै प्रतिवेदन पारित भएको प्रवक्ता खिमलाल देवकोटाले जानकारी दिनुभयो । छलफलले १ बर्षभित्र पार्र्टिको महाधिवेशन गर्ने निर्णय गरेको समेत उहाँले जानकारी गराउनुभयो । यस्तै हालका जिल्ला, क्षेत्रगत समितीहरुलाई महाधिवेशन आयोजक समितीमा मिलाईएको देवकोटाको भनाई छ ।
यस्तै आगामी २५ वर्षभित्र समृद्ध मुलुक निर्माणको महत्वकांक्षी योजना सहित राष्ट्रिय भेलाले पारित गरेको प्रतिवेदन जनस्तरमा छलफलका लागि पठाइने निर्णय गरिएको देवकोटाले बताउनु भयो ।
यसअघि हिजो पार्टी संयोजक बाबुराम भट्टाराइको राजनितिक प्रतिवेदन, नेता देवेन्द्र पौडेलको संगठन विभाग तथा रामेश्वर खनालको आर्थिक सम्वृद्धिको खाका समेटिएको प्रतिवेदन पेश भएका थिए ।
प्रतिवेदन पारित भएसंगै आजै साँझ पार्टिका संयोजक डा. बाबुराम भटटराईले भेलाको समापन गर्दैहुहुन्छ ।
