एजेन्सी, जेठ ३१
फान्समा जारी युरोकपमा गएराति भएको खेलमा पोल्याण्डले नर्दन आयरल्याण्डलाई १ –० पराजित गरेको छ ।
फ्रान्सको नाइसमा भएको समूह सी अन्तर्गतको खेलमा पोल्याण्डले डेब्युटिम नर्दन आयरल्याण्डलाई १–० ले हराएको हो। पोल्याण्डको जितमा खेलको ५१ औ मिनेटमा अर्काण्डेज मिल्कले गरेको गोल नै निर्णयक बन्यो ।
त्यस्तै आज विहान भएको खेलमा जर्मनी विजयी भएको छ । जर्मनीले युक्रेनलाई २ – ० को गोल अन्तरले हराएको हो ।
जर्मनीको लागि खेलको १९ औ मिनेटमा मुस्ताफिले गोल गर्दै सुरुवाती अग्रता दिलाएका थिए । इन्जुरी समयमा स्वान्सटाइगरले गोल थपे पछि जर्मनी २–० को जीत निकाल्न सफल भयो ।
यस्तै प्रतियोगिता अन्तर्गत आज तीन खेल हुदै छ । साझँ पौने सात बजे हुने खेलमा स्पेन विरुद्ध चेक गणतन्त्र मैदान उत्रदैछन् भने आयरल्याण्ड विरुद्ध स्विडेन राति पौने १० बजे मैदान उत्रदैछन् । प्रतियोगितामा राति पौने १ बजे बेल्जियम र इटाली विच प्रतिस्पर्धा हुनेछ ।
