ताप्लेजुङ,३० जेष्ठ /आलोक माबोहाङ लिम्बु ।
ताप्लेजुङको हाङपाङमा अवस्थित मोबाईल सेवा प्रदायक एनसेलको टावरमा नेकपा माओवादीले पेट्रोल बम आक्रमण गरी क्षति पु¥याएको छ ।
एनसेलले सर्बसाधरणलाई बिभिन्न बाहानामा ठगी गरिरहेको र कर तिर्न आनाकानी गरेको र पुरै कर राज्यलाई नबुझाएकोले आक्रमणको चेतावनी दिदै आएको थियो ।
एनसेल ताप्लेजुङका लागि प्राविधिक बसन्त निरौलाले आक्रमण भएको नभएको जानकारी आफुलाई नआएकोे तर हाङपाङ साईटको सेवा जाँच गर्दा डाउन देखाएको बताए । एनसेलको देशभर रहेको टावर र सेवाकेन्द्रमा आक्रमण भएको समाचार आएको हुनाले आक्रमण नेकपा माओवादीले गरेको हुनसक्ने बताईएको छ ।
आक्रमणबाट कति क्षति भयो भन्ने अहिलेसम्म थाहा भएको छैन । तर टावरमा आवश्यक सामाग्रीहरू पूर्ण रुपले जलेर नष्ट भएको छ । २ जीको टावर मात्र भएको हुनाले, १ करोड बढीको क्षति हुने र ३ जी भएको भए चाहिँ ३ करोड बढी क्षति हुन्छ ताप्लेजुङको लागि एनसेल प्राविधिक बसन्त निरौलाले जानकारी दिए ।
