काठमाडौं २७ जेठ
बिप्लब नेतृत्वको नेकपा माओवादीले गरेको नेपाल बन्दका कारण देशभरको जनजिवन प्रभावित बनेको छ । बन्द गराउदै हिडेका आधा दर्जन बढी कार्यकर्ता पक्राउ परेको माओवादीले जनाएको छ ।
काठमाण्डौको कंलकिबाट ट्रेड युनियन महासंघको अध्यक्ष योगेद्र कुमाल ,बिष्णु अधिकारी, रविन खत्री लगाएत छ जना नेता तथा कर्यकर्ता पक्राउ परेको केन्द्रिय सदस्य माईला लामाले जानकारी दिनुभयो ।
उता बालाजुबाट बिद्यार्थी नेताहरु मिन चलाउने ,सुमन अधिकारी ,चन्द्र बुढा ,रजमान तामाङ र मजदुरका सागर तिमल्सिना र खगेन्द्र मैनालीलाई पनि नियन्त्रणमा लिएको बताईएको छ ।
अखिल क्रान्तिकारी केन्द्रीय सदस्य तथा कोशी बिउरो संयोजक नबराज भटराइ, मोरोङ जनसत्ता प्रमुख दिपक र इटहरी नगर इन्चार्ज बिक्रम लगायत कोशी बिउरोबाट आधा दर्जन नेता तथा कर्याकर्ता पक्राउ परेको माओवादीले जनाएको छ । भक्तपुर जिल्ला जनपरीसद प्रमुख कृष्णराम खड्का सल्लाघारी बाट पक्राउ परेका छन् ।
यता रत्नपार्कबाट जन गणतान्त्रिक सम्पर्क मन्चका राजु कार्की सहित १० जना पक्राउ परेको जनाईएको छ । यसैगरी कलङकीबाट काठमाण्डौ जिल्ला पाटीका ईलाका नम्बर ८ का सेक्रेटरी बिजयलाई पनि नियन्त्रणमा लिएको छ ।
यसैबीच , प्रहरीले भने अहिलेसम्म उपत्यकाबाट २२ जना पक्राउ परेको जनाएको छ । नेपाल प्रहरीका उपत्यका प्रवक्ता एसपि प्रघुम्न कार्कीका अनुसार उपत्यका बिभिन्न स्थानबाट बन्द गराउदै हिडेको अवस्थामा २२ जनालाई नियन्त्रण लिईएको छ ।
उपत्यकामा अघिल्लो भन्दा यो पटक बन्दको प्रभाव बन्दको प्रभाव परेको भन्दै एसपि कार्कीले कुनै अप्रिय घटना घट्न नदिन सुरक्षा ब्यावस्था चुस्त र कडा पारेको जानकारी दिनुभयो ।
