काठमाडौं २७ जेठ
विप्लब नेतृत्वको माओवादीले आहृवान गरेको बन्दका क्रममा साझा यातायातमाथि पनि तोडफोड भएको छ । राजधानीको त्रिपुरेश्वर नजिक साझा बसमा ढुंगा प्रहार गरिएको प्रहरीले जनाएको छ । ढुंगा प्रहार गर्ने व्यक्तिलाई प्रहरीले नियन्त्रणमा लिएको छ ।
यसैबीच बन्द गराउँदै हिडेका २२ बन्दकर्तालाई प्रहरीले नियन्त्रणमा लिएको छ । काठमाडौंका विभिन्न स्थानबाट उनीहरुलाई नियन्त्रणमा लिइएको हो । पक्राउ परेका बन्दकर्ताहरुलाई महेन्द्र पुलिस क्लब, बालाजु लगायका स्थानमा राखिएको छ ।
उपत्यका सहित देशका बिभिन्न स्थानमा डेढ दर्जन सवारी साथन माथि आगजनी तथा तोडफोड भएको जनाईएको छ । तिनकुने ,महाराजगंन्ज ,नेपालटार, चाबेल , गोङ्गवु, भक्तपुर नाङ्ढुन्ङ्गा गरि झन्डै डेड दर्जन बढी सवारी साधनमा तोडफोड तथा आगजनी गरेको जनाईएको छ ।
यस्तै नागढुङगामा ना ५ ख ७० ४१ नम्बरको माईक्रो तोडफोड भएको छ । नयाँ बषपार्क नजिकै एउटा माईक्रोमाथि आगजनी गरेको जनाईएको छ ।
