जेष्ठ २७ काठमाण्डौं ।
अमेरीकामा जारी कोपा अमेरीका फुटवल कपमा आज विहान भएको खेलमा ब्राजिलले शानदार जित निकालेको छ । ब्राजिलले हाइटीलाई ७–१ को फराकिलो गोल अन्तरले पराजित गरेको छ ।
फिलिप काउटिन्होले हृयाट्रिक गरेपछि कोपा अमेरिका फुटबलमा ब्राजिलले हाइटीमाथि गोलको वर्षा नै गरेको छ । कोपा अमेरिकामा यो ब्राजिलको पहिलो जित हो । यसअघि पहिलो खेलमा उसले बराबरी खेलेको थियो ।
फ्लोरिडाको क्याम्पिङ वल्र्ड स्टेडियममा भएको खेलमा ब्राजिलले १४ औं मिनेटमा फिलिप काउटिन्होको गोलबाट अग्रता लिएको थियो । २९ औं मिनेटमा काउटिन्होले नै अग्रता दोब्बर पारे ।
खेलको ३५ औं मिनेटमा अगस्टोले गोल परेपछि पहिलो हाफ्रमा ब्राजिलले ३ –० को अग्रता लियो । ५९ औं मिनेटमा गाब्रिअल र ६७ औं मिनेटटमा लुकास लिमाले गोल गरे ।
७० औं मिनेटमा हाइटीका मार्से्लिनले गोल गरे । तर, ८६ औं मिनेटमा अगस्टोले व्यक्तिगत दोस्रो गोल गरे भने अन्तिमा काउटिन्होले हृयाट्रिक पुरा गरेपछि ब्राजिल ७–१ ले विजयी भयो ।
