बिप्लब नेतृत्वको नेकपा माओवादीले भोली जेठ २७ गते नेपाल बन्दको घोषणा गरेको छ ।झुठा आरोपमा पार्टीका नेता तथा कार्यकर्तालाई बिना शर्त रिहाईको माग गर्दै माओवादीले बन्दको आह्वान गरेको हो ।
देशमा बढिरहेको स्वाधीनतामाथिको बाह्य हस्तक्षेप, सीमा अतिक्रमण, कालो बजारी, महङ्गी, भ्रष्टचार, दलालीकरणलगायत देश र नागरिकसँग सरोकार राख्ने विषयलाई लिएर नेकपा माओवादीले संघर्ष गर्दै आइरहेको छ ।
देश र नागरिकसँग सरोकार राख्ने विषयमाथि सरकारले प्रोत्साहन र संरक्षण गरेको भन्दै त्यसविरुद्ध संघर्ष गर्ने क्रममा नेकपा माओवादीका दर्जनन्दा बढी कार्यकर्तालाई सरकारले प्रहरी लगाएर गिरफ्तार गर्ने, आतंकित पार्ने, झुठा मुद्दा लगाएर फसाउने र जेल हाल्ने हर्कत जारी राखेपछि त्यसविरुद्ध माओवादीले बिहीबारको नेपाल बन्दको घोषणा गरिएको माओवादीले जनाएको छ ।
प्रहरीप्रशासनले देशभर आफ्ना पार्टीका दर्जन नेता तथा कार्यकर्तालाई गिरफ्तारपश्चात झुठा आरोपमा राखिएकोप्रति आपत्ति जनाउँदै निसर्त रिहा गर्नुपर्ने माग समेत राखे बन्दको आयोजना गरिएको छ ।
माओवादीद्वारा जारी विज्ञप्तिअनुसार नेकपा माओवादीका झापा जिल्ला पार्टी सक्रेटरी एवं राष्ट्रिय जनस्वयम् सेवकका केन्द्रीय महासचिव बाबुराम राई, जिल्ला सदस्यहरु चमनलाल माझी र पुष्प अधिकारी, झापाका विद्यार्थी नेता नविन अधिकारी, जुम्ला जिल्ला पार्टी सदस्य तथा जिल्ला जनपरिषद प्रमुख रामप्रसाद शमालाई प्रहरीले गिरफ्तारपछि विभिन्न मुघा लगाएर हिरासत र जेलमा राखिएका छन् ।
त्यसैगरी धादिङ जिल्ला पार्टी सदस्यहरु कृष्ण खतिवडा र हरिशरण नेपाललागयत दर्जनभन्दा बढी नेता कार्यकर्तालाई हिरासत र जेलमा महिनौंदेखि राखिएका छन् । उनीहरु बिनासर्त रिहा गर्नुपर्ने माग नेकपा माओवादीको छ ।
साथै भोलि २७ गतेको बन्द फिर्ता भएको भन्ने हल्लामा कुनै सत्यता नभएको माओवादीले जनाएको छ । नेकपा माओवादीका केन्द्रीय सदस्य एवं काठमाडौं जिल्ला इन्चार्ज माइला लामाले भोलिको २७ को बन्द यथावत रहेको जानकारी दिए ।
‘नेकपा माओवादीले घोषणा गरेको भोलिको २७ गतेको नेपाल बन्द कार्यक्रम कायम छ ।लामाले बन्द फिर्ता लिएको भन्ने हल्लाको पछाडि नलाग्न र बन्द सफल पार्न जनसमूदायमा अपिल पनि गर्नुभएको छ ।
