सुर्खेत, २४ जेठ।
सत्ता साझेदार राष्ट्रिय प्रजातन्त्र पार्टीका पूर्व अध्यक्ष पशुपति शमशेर जबराले वर्तमान सरकारले जनअपेक्षा अनुसार काम गर्न नसकेको भन्दै सरकार परिवर्तन गर्नुपर्ने बताउनुभएको छ ।
राप्रपा सुर्खेतले वीरेन्द्रनगरमा गरेको पत्रकार भेटघाट उहाँले जनअपेक्षा अनुसार काम गर्न नसकेकाले सरकारको औचित्य सकिएको उल्लेख गर्नुभयो ।
ओली सरकारको कार्यशैलीप्रति असन्तुष्टी पोख्नु भएका उहाँले औपचारिक निर्णय नगरेपनि राप्रपा सरकार परिवर्तन गर्नु पर्छ भन्ने मान्यतामा रहेको उल्लेख गर्नुभयो ।
बहुसंख्यक हिन्दुहरुको भावना विपरीत नेपाललाई धर्म निरपेक्ष बनाइएको भन्दै जबराले धर्म निरपेक्षतालाई जनमत संग्रहबाट टुंग्याउनु बताउनुभयो ।
सरकारको नेतृत्व परिवर्तन बारे चर्चा चलिरहेको बेला उहाँले भद्र सहमतिको कुरा गर्ने नेकपा एमाले र नेकपा माओवादी केन्द्रका नेताहरु नै कति भद्र छन् भनेर हेर्न सुझाव दिनुभयो ।
