काठमाण्डौ ,२० जेठ ।
नेकपा माओवादी केन्द्रले पार्टी व्यवस्थापनका लागि भन्दै १ हजार ९९ सदस्यीय जम्बो केन्द्रिय समिति बनाएको छ ।
पार्टी कार्यलय कोटेश्वरमा आज बसेको पोलिटब्युरो बैठकले अन्तिम समयमा आएर ६ सय ९९ केन्द्रिय सदस्यमा थप गरि एक हजार ९९ बनाउने निर्णय गरेको हो ।
यसअघि ९ सय ९९ सदस्यीय केन्द्रिय कमिटि बनाउने जनाएको माओवादीले आज चर्चामा आएको भन्दा सय सदस्यीय थप गरेको माओवादी प्रवत्ता पम्फा भुसालले जानकारी दिनुभयो ।
केन्द्रको आज बसेको पोलिट्व्युरो बैठकले यसअघिको ६ सय ९९ सयमा ४ सय सदस्य थप गर्दै १ हजार ९९ सय सदस्यीय आयोजक समिति गठन गरेको भुसालले बताउनु भयो ।
महाधिवेशन आयोजक समितिको संख्या बढेसंगै स्थायी समिति र पोलिट्व्युरोको आकार पनि बढेको छ । बैठकले ८५ सदस्यीय स्थायी समिति र २ सय ५५ सदस्यीय पोलिट्व्युरो गठन गरेको छ ।
यअसघी ७५ सदस्यीय स्थायी समिति र २ सय ४१ सदस्यीय पोलिट्व्युरो बनाउने सहमति भएको थियो । १ हजार ९९ सदस्यीय महाधिवेशन आयोजक समितिमा ९ सय ९९ सय सदस्यको नाम टुङ्गो लागिसकेको र बाँकी १ सय भने पछि पूर्ति गर्नेगरि खाली राखिएको प्रवक्ता भुषालले जानकारी दिनुभयो ।
पार्टीको संगठनात्मक विधि र नेतृत्व प्रणालीबारे टुङ्गो लगाउन गठित वर्षमान पुन नेतृत्वको कार्यदलले प्रस्तावका आधारमा स्थायी, पोलिट्व्युरो र महाधिवेशन आयोजक समितिलाई अन्तिम रुप दिइएको भुसालले बताउनु भयो ।
