काठमाडौं, १९ जेठ ।
नेकपा माओवादी केन्द्रको केन्द्रिय सदस्य थप गर्ने बिसयलाई अन्तिम रुप दिन पार्टी हेडक्वाटर बैठक बसिरहेको छ ।
अध्यक्ष दाहाल निवास लाजिम्पाटमा सुरु भएको बैठकमा केन्द्रिय कमिटलाई पूर्णता दिनुका साथै प्रदेशको कार्यबिभाजन गरिने नेतृ पम्फा भुसालले जानकारी दिनुभयो ।
आजको बैठकले नेता वर्षमान पुन नेतृत्वको कार्यदलले तयार पारेको पार्टीको संगठनात्मक प्रस्तावमाथि छलफल गरि प्रस्तावित ९ सय ९९ सदस्यीय केन्द्रीय समितिलाई पूर्णता दिने छ ।
यसअघि आयोजक समिति ६ सय ९९ सदस्यीय बनाउने निर्णय गरेको माओवादी केन्द्रले रिक्त एक सय सहित चार सय सदस्य थप गर्न लागेको हो ।
कार्यदलले पार्टी महाधिवेशन आयोजक समिति जम्बो बनाउनुपर्नाको कारण र परिस्थितिसमेतको व्याख्या गर्दै आयोजक समितिमा समेटिने नेताहरूको नामावली तयार हिजो साझ नै अध्यक्ष प्रचण्डलाई बुझाईसेको छ ।
बैठकले कार्यदलले दिएको सुझाबअनुसार आयोजक समितिको संख्या बढाउने, नेताहरूको नाम फाइनल गर्ने र सचिवालय र पोलिटब्युरोको संख्यासम्म टुंग्याउन सक्ने नेताहरूले बताएका छन् ।
कार्यदलले सबै सदस्यको नामावली तयार पारिसकेको जनाउर्दै कार्यदल संयोजक पुनले आयोजक समितिमा सिफारिस भएका नेताहरूलाई एक तहभन्दा बढी एकैचोटि बढुवा नगरेको बताउनु भयो ।
