काठमाडौ १७ जेठ ।
इन्डियन प्रिमियर लिग आइपिएल क्रिकेटको नवौं संस्करणको उपाधि सनराइजर्स हैदरावादले जितेको छ । गएराति चिन्नास्वामी रंगशालामा भएको फाइनल खेलमा रोयल च्यालेन्जर्स बैंग्लोरलाई ८ रनले पराजित गर्दै हैदरावादले उपाधि हात पारेको हो ।
हैदरावादले दिएको दुई ९ रनको चुनौती पछ्याउने क्रममा बैंग्लोर सात विकेट गुमाएर मात्र दुई सय रनमा समेटियो । बैंग्लोरका क्रिस गेलले ३८ बलमा ७६ तथा कप्तान विराट कोहलीले ३५ बलमा ५४ रन जोडेपनि जीतका लागि पर्याप्त भएन । हैदरावादका बेन कटिङले दुई विकेट लिए ।
यसअघि पहिले ब्याटिङ गरेको हैदरावादले निर्धारित २० ओभरमा सात विकेट गुमाएर दुई सय ८ रन बनाएको थियो । उसका लागि कप्तान डेविड वार्नरले ३८ बलमा ६९, बेन कटिङले १५ बलमा नटआउट ३९ रन बनाए ।
यस्तै युवराज सिंहले २३ बलमा ३८ तथा शिखर धवनले २५ बलमा २८ रन बनाए । हैदरावाद पहिलो पटक आइपिएलको च्याम्पियन बनेको हो ।
