काठमाडौ १७ जेठ ।
आन्दोलनरत मधेसी मोर्चा तथा बिभिन्न जनजाति दल आबद्ध संघिय गठबन्धनले आज पोखरामा बिरोध प्रदर्शन गर्दैछ ।
प्रदेश सिमांकन, पहिचान सहितको संघियता लगायतका माग राख्दै संघिय गठबन्धनले आज अपरान्ह पोखरामा बिरोध प्रदर्शन सहित सभा गर्ने तयारी गरेको हो ।
यसअघि नै घोषित दोस्रो चरणको आन्दोलनका कार्यक्रम अन्तरगत आज गठबन्धन आबद्ध दलका नेता कार्यकर्ता पोखरा पुगेका हुन् । प्रदर्शन पछि आयोजना हुने सभालाई गठबन्धन आवद्ध दलका नेताहरु संबोधन गर्ने छन् ।
पोखरामा हुने सभा मार्फत आजै गठबन्धनले तेस्रो चरणको आन्दोलनका कार्यक्रम पनि घोषणा गर्ने गठबन्धन आवद्ध दल संघीय समाजवादी फोरमका सह–अध्यक्ष राजेन्द्र श्रेष्ठले जानकारी दिनुभयो ।
सरकारले आफुहरुको माग संबोधन नगरेसम्म आन्दोलन नरोक्ने घोषणा गरेका गठबन्धनले भोलीबाट तेस्रो चरणको आन्दोलनलाई थप ससक्त बनाएर लैजाने उहाले बताउनु भयो ।
तेस्रो चरणको आन्दोलनको स्वरुप तयार गर्न यसअघि नै शिर्ष संघिय गठबन्धनले सचिवालयालई जिम्मा दिएको थियो ।
हिजो वीरगन्जमा बिरोध सभा गरेको गठबन्धनले आफ्ना माग संबोधनका लागी सरकारलाई दबाब दिन भन्दै यसअघि राजधानी केन्द्रित आन्दोलन गरेको थियो ।
