काठमाण्डौ ,१६ जेठ ।
आज अन्तराष्टिय सगरमाथा दिवश, नेपालमा पनि बिभिन्न कार्यक्रम गरी मनाईदैछ । विश्वको सर्वोच्च शिखर सगरमाथाको चुचुरोमा पहिलो पटक मानव पाइला टेकेको आज ६३ वर्ष पूरा भएको छ ।
प्रथम सगरमाथा आरोही तेन्जिङनोर्गे शेर्पा र सर एडमन्ड हिलारीले सन् १९५३ मे २९ मा विश्वको सर्बोच्च शिखर सगरमाथाको सफल आरोहण गरेको दिनको सम्झनामा हरेक वर्ष यो दिवस मनाउने गरिन्छ ।
दिवसका अवसरमा राजधानीमा विशेष कार्यक्रमको आयोजना गरिएको छ । केहिबेरपछि प्रधानमन्त्री केपी शर्मा ओलीले नेपाल पर्यटन बोर्डमा रहेको तेन्जिङनोर्गे शेर्पा र सर एडमन्ड हिलारीको सालिकमा माल्यार्पण गर्ने कार्यक्रम रहेको छ ।
नेपालको पर्यटन क्षेत्रलाई अन्तर्राष्ट्रिय जगतमा प्रवद्र्धन गर्ने उदेश्यले सन् २००८ देखि नेपालमा सगरमाथा दिवस मनाउन सुरु गरिएको हो ।
६३ वर्षको आरोहणको अवधिमा करिब सात हजार पर्वतारोहीले सर्वोच्च शिखरको साहसिक विजययात्रा पूरा गरिसकेका छन् भने आरोहीहरूले नयाँनयाँ कीर्तिमान समेत थप्दै आएका छन् ।
यसवर्ष फुर्वा तेन्जिङ शेर्पाले दशौ पटक आरोहण गरी नयाँ रेकर्ड कायम गर्नु भएको छ ।
