जेष्ठ १६ काठमाण्डौं । ईटलीको मिलानमा सम्पन्न युरोपियन च्याम्पियन्स लिगको उपाधी रियल मेड्रीडले जीतेको छ ।
एथलेटिको मेड्रीडलाई पेनाल्टी सुट आउटमा ५–३ गोल अन्तरले पराजीत गर्दै रियलले उपाधी उचालेको हो ।
यो सगै मड्रीड प्रतियोगीताको ११ औं पटक च्याम्पियन भएको छ । रियलका कप्तान सर्जियो रामोसले १४ औ मिनेटमा गरेको विवादीत गोलबाट टिमलाई अग्रता दिलाएका थिए ।
त्यस पछि एथलेटिकोका एन्थेनी ग्रिजमोले पेनाल्टी मा समेत गोल गर्न चुके पछि रियलको मनोबल बढेको थियो ।
तर खेल सकिनु १० मिनेट अघि एथ्लेटिकोका यानिक करासोले उत्कृष्ट गोल गर्दै खेल बराबरीमा लगे ।
त्यस पछि अतिरिक्त समयको खेलमा समेत कुनै गोल हुन नसके पछि पेनाल्टी मार्फत उपाधीको छिनोफानो भएको थियो ।
यो जीतले फ्रान्सका पूर्व कप्तान तथा रियलका नवनियुक्त प्रशिक्षक जिनेदिन जिदानको भविष्य समेत बलियो बनाई दिएको छ ।
