एजेन्सी ,१४ जेठ ।
इंग्लिस क्लव म्यानचेष्टर युनाइटेडले चेल्सीका पूर्व प्रशिक्षक जोसे मोरिन्होलाई प्रशिक्षक नियुक्त गरेको छ ।
लुइस भान गाललाई बर्खास्त गरेको म्यानचेष्टर युनाइटेडले मोरिन्होलाई सन् २०२० सम्मका लागि प्रशिक्षक नियुक्त गरेको हो ।
क्लवले आज विज्ञप्ति जारी गर्दै मोरिन्होसँग ३ वर्षे सम्झौता भएको घोषणा गरेको हो । मोरिन्होलाई नयाँ प्रशिक्षकमा नियत्त गर्दा खुसि लागेको जनाउदैै म्यानचेष्टर युनाइटेडले भनेको छ ‘जोसे मोरिन्हो हाम्रो नयाँ प्रशिक्षक नियुक्त भएका छन् ।
’सन् २००३ देखि अहिलेसम्म प्रशिक्षकका रुपमा २ पटक च्याम्पियन्स लिग र एक पटक युइएफए कपसहित २२ वटा ट्रफी उचालेका मोरिन्हो चेल्सीबाट ६ महिनाअघि बर्खास्त भएका थिए । यो बिचमा उनले कुनै पनि सिजनमा उपाधिबाट वञ्चित हुनु परेको छैन ।
पोर्चुगलका ५३ वर्षे मोरिन्होसँग घरेलु क्लवसहित, इंग्ल्याण्ड, इटाली र स्पेनका क्लवमा प्रशिक्षक भएको अनुभव छ ।
क्लवसँगको सम्झौता पछि उनले ‘म्यानचेष्टर युनाइटेको प्रशिक्षक नियुक्त हुनु विशेष सम्मान भएको धारणा राखेका छन्।
