काठमाडौँ, १३ जेठ ।
राष्ट्रिय यातायात व्यवसायी महासघंले आह्वान गरेको चक्काजामका कारण आज उपत्यका सहित देशभर सार्वजनिक सवारी साधन ठप्प भएका छन् ।
ट्राफिक नियम उल्लङ्घन गरेकोमा लाग्ने शुल्क बढाएको भन्दै महासंघले गरेको बिरोधका कारण यातायात ब्यावसायीले भाडाका सवारी साधन नचलाउदा सर्वसाधारण मर्कामा परेका छन् ।
सार्वजनिक यातायातका साधन बन्द हुदा सर्वसाधारण यात्रुको आवागमन प्रभावित भएको छ ।
यातायात ब्यवसायीको बिरोधका कारण काठमाडौँ उपत्यकामा निजी सवारी साधन निर्वाध रुपमा सन्चालनमा आएपनि बिहानैदेखि भाडाका सवारी साधन गुडेका छैनन् ।
राजधानीका केहि स्थानमा नीजि सवारी साधनलाई अबरोध गर्न खोजेपछि साधा पोसाकका प्रहरीले उनीहरुलाईै नियन्त्रणमा लिएको छ । राजधानीमा साधा पोसाकका प्रहरी परिचालन गर्नुका साथै क्रेन सहित प्रहरी परिचालन गरिएको गृह प्रवत्ता यादब कोईरालाले जानकारी दिनुभयो ।
यातायात व्यवसायीहरुले ट्राफिक प्रहरी शुल्क रु २५ देखि २०० सम्मलाई जेठ १ गतेदेखि लागू हुनेगरी रु ५०० देखि रु एक हजार ५०० सम्म पु¥याएको भन्दै बिरोध गरेका हुन ।
विसं २०७२ असोज १४ गते ट्राफिक ऐन संशोधन गरी ट्राफिक नियम उल्लङ्घन गर्नेलाई यही जेठ १ गतेदेखि लागू हुनेगरी ट्राफिक जरिवाना वृद्धि भएको थियो ।
