काठमाडौ १२ जेठ ।
आज विश्व थाइराइड दिवस, नेृपालमा पनि विभिन्न जनचेतनामुलक कार्यक्रमको आयोजना गरी मनाइदैछ ।
थाइराइड सम्बन्धी रोगका बिरामी बढ्न थालेपछि यसबारे जनचेतना जगाउने उद्देश्यले हरेक वर्ष मे २५ मा विश्वभर यो दिवस मनाउने गरिन्छ ।
दिवसका अवसरमा आज सरकारी तथा निजी संघ संस्थाले राजधानीमा र्याली तथा स्वास्थ्य शिविरका साथै निशुल्क थाइराइड रोगको परिक्षण समेत गर्दैछन् ।
विश्व स्वास्थ्य सङ्गठनको आह्वानमा सन् २००८ देखि विश्व थाइराइड दिवस मनाउन थालिएको हो । पछिल्लो समय नेपाल पनि यो रोगको बिरामी बढ्न थालेकाले समयमै यसको पहिचान गरी रोकथाम गर्नुपर्नेमा चिकित्सकहरुले जोड दिएका छन् ।
थाइराइड खानपान र मानिसको जीवन शैलीले नभइ मिसावटयुक्त खाना र वंशानुगत गुणबाट देखिने भन्दै चिकित्सकहरुले नियमित औषधि सेवनबाट यसको सजिलै रोकथाम गर्न सकिने सुझाव दिएका छन् ।
