काठमाडौ ,४ जेठ ।
संविधान पुनःलेखनको माग गर्दै राजधानी केन्द्रित आन्दोलन सुरु गरेको संघिय गठबन्धनले आज दिनभर बालुवाटार घेराउ गर्यो । आज बिहान १० बजेदेखि सुरु भएको घेराउ साँझ ५ बजेसम्म जारी राखेको थियो ।
दुई दिनसम्म सिंहदरबार घेराउका क्रममा राजधानीको ट्राफिक व्यवस्था अस्तव्यस्त बनेपछि जनताको सहजताका लागी भन्दै गठबन्धनले आज प्रधानमन्त्री निवास बालुवाटार घेराउ गरेको हो ।
यसैविच आन्दोलनको कार्यक्रम अन्तर्गत भोली दिउँसो २ बजे राजधानीको शान्तिबाटिकामा विरोध सभा गरिने गठबन्धनका प्रवक्ता पर्शुराम तामाङले रेडियो मिर्मिरेलाई जानकारी दिनुभयो । भोलीको विरोध सभाले नै आगामी आनन्दोलनका कार्यक्रम तय गर्ने उहाँले बताउनुभयो ।
यसअघि प्रदर्शनका क्रममा आज पनि गठबन्धनका कार्यकर्ता र प्रहरीबीच झडप भयो । झडपका क्रममा प्रहरीले लाठीचार्ज गर्दा सो क्षेत्र केहिवेर झडप भएको थियो । यद्धपी झडपमा कसैलाई चोट पटक नलागेको जनाईएको छ ।
भाटभटेनीदेखि झाँकीसहित सुरु भएको ¥याली प्रधानमन्त्रीको निवास अगाडि बढे पछि सुरक्षाकर्मीहरुले राष्ट्रबैंक चोक नपुग्दै रोकेका थिए । प्रदर्शनलाई मध्यनजर गर्दै स्थानीय प्रशासनले सुरक्षा ब्यवस्था कडा पार्नुका साथै बालुवाटार क्षेत्रलाई प्रहरीले चार स्थानबाट घेरा हालेको थियो ।
यस्तै पूर्वी गेट तर्फ पनि बिहानैदेखि उल्लेख्य संख्यामा सुरक्षाकर्मी परिचालन गरिएको थियो । गठबन्धनले आइतबार र सोमबार सिंहदरबार घेराउ गरेको थियो ।
यसैबीच, गठबन्धनको आन्दोलनलाई मध्यनजर गर्दै जिल्ला प्रशासन कार्यालय काठमाडौंले प्रधानमन्त्री निवास बालुवाटार आसपास निशेधित क्षेत्र घोषणा गरेको थियो । सो रुट भएर चल्ने सवारी साधनलाई पनि अन्यत्रैबाट आवतजावतको ब्यावस्था मिलाईएको हाम्रा सहकर्मिले जनाएका छन् ।
मधेश केन्द्रित आन्दोलनका क्रममा ६ महिनासम्म सिमानाका ठप्प पारेको मोर्चाले विभिन्न जातिय दल तथा संगठनलाई समेत साथमा लिएर केही दिनदेखि राजधानी केन्द्रित आन्दोलन सुरु जारी राखेको हो ।
