काठमाडौ ,४ जेठ ।
इन्डियन प्रिमियर लिग आइपिएल क्रिकेट अन्तरगत गएराति सम्पन्न खेलमा कोलकाता नाइट राइडर्र्स रोयल च्यालेन्जर्स बैंग्लोरसँग ९ विकेटले पारजित भएको छ ।
बैंग्लोरमा भएको खेलमा कोलकाताले प्रस्तुत गरेको एक सय ८४ रनको लक्ष्य बैंग्लोरले १८ दशमलव ४ ओभरमा एक विकेट गुमाएर पूरा गर्यो ।
बैंग्लोरका कप्तान विराट कोहलीले ५१ बलमा नटआउट ७५, एबी डी भिल्यिर्सले ३१ बलमा नटआउट ५९ तथा क्रिस गेलले ३१ बलमा ४९ रन बनाए ।
कोलकाताका सुनिल नरिनले एक विकेट लिए । यसअघि पहिले ब्याटिङ गरेको कोलकाताले पूरै ओभर खेलेर पाँच विकेटको क्षतिमा एक सय ८३ रन बनायो ।
कोलकाताका लागि कप्तान गौतम गाम्भीरले ५१, मनिष पाण्डेयले ५० तथा आन्द्रे रुसेलले नटआउट ३९ रन बनाएपनि हार टार्न सकेनन् ।
बैंग्लोरका श्रीनाथ अरविन्दले दुई विकेट लिए । १२ खेलबाट १६ अंक जोडेको कोलकाता दोस्रो तथा १२ खेलबाट १२ अंक जोडेको बैंग्लोर पाँचौं स्थानमा छ ।
