काठमाडौ २ जेठ ।
स्पेनिस ला लिगाको यो सिजनको उपाधि बार्सीलोनाले जितेको छ । सिजनको अन्तिम खेलमा गएराति राती ग्रानाडालाई ३–० ले पराजित गर्दै बार्सीलोनाले २४ औं पटक लिगको उपाधि आफ्नो कब्जामा पारेको हो ।
खेलमा वार्सीलोनालाई विजयी गराउन लुईस सुवारेजले ह्याट्रिक गरे । प्रमुख प्रतिद्धन्द्धी रियल मडिङडले डेपोर्टीभो ला कोरुनालाई २–० ले पराजित गरेपनि दोस्रो स्थानमा चित्ता बुझाएको छ ।
सबै ३८ खेलको समप्तीमा बार्सिलोनाले रियललाई १ अंकले पछि पार्दै पछिल्ला आठ सिजनमा छैटौं पटक उपाधि हात पारेको हो ।
बार्सिलोनाका लागि तीनै गोल उरुग्वेका फरवार्ड स्वारेजले गरे । योसँगै सिजनमा कुल ४० गोल गरेका सुवारेजले ला लिगामा सर्वाधिक गोलकर्ताको अवार्ड जितेका छन् ।
उता रियलको जीतमा दुवै गोल क्रिष्टीयानो रोनाल्डोले गरेका थिए । बार्सीलोनाले अब स्पेनीस किङ्स कपको फाईनलमा आगामी जेठ ९ गते आईतवार सेभियासँग खेल्नेछ ।
यस्तै रियाल मड्रिडले जेठ १६ गते आईतवार आफ्नै देशको एथ्लेटिको मड्रिडसँग च्याम्पियन्स लिगको फाईनल खेल खेल्नेछ ।
