जेष्ठ १ कालीकोट /कालीकोट र दैखेलको सिमा क्षेत्र दैखोलामा वाढीले वगाउदा एक महिला को ज्यान गएको छ भने एक जना वेपत्ता भएका छन । दैलेख पिपलकोट ४ निवासी ३३ वर्षिय गीता थापा मगरको वाढीमा परी ज्यान गएको छ ।
उनको सव आज विहान १० वजेतिर मात्र गाडीको अवस्थामा भेटिएको उद्धार कार्यमा संलगन प्रहरीले वताएको छ । हिजोसाढे ४ वजे तिर पानी परेसंगै एककाएक आएको वाढीमा परी दैलेख सिगासैन गाविसका रंगे विक वेपत्ता भएका छन । मृतक थापाको भने शव पोष्टमार्टको लागी आज जिल्ला अस्पताल मान्ममा पुर्याइएको छ ।
जिल्ला प्रहरी कार्यलय कालीकोटका डिएसपी किसनसिंह वुडालको नेतृत्वमा खटिएको प्रहरी, मान्म वाट खटिएको नेपाली सेना ,दैखेल राकम वाट पुगेको प्रहरी टोलीले संयुक्त रुपमा उद्धार कार्य गरे्का थिए । उद्धारका क्रममा थापाको शव आज विहान मात्र फेला परेको हो । यस्तै वाढीले कालीकोट जिल्लाको सिमा क्षेत्रका ५ र दैलेख सिमाक्षेत्रका ४ वटा घर तथा पसलहरु भत्काएको छ ।
त्यसै गरी रोकिराखेको २ वटा ट्याक्टर र एक मोटरसाइकल पनि वाढीले क्षेती पुरयाएको छ ।
भे ५ प ३४६७ नम्वरको मोटरसाइकल, से१ त ४२३३ र ग १ त १४३६ नम्वरको २ ट्याक्टर वाढीले वागाएको प्रहरीले वताएको छ । यसैविच वाढीले वाटो विगारेपछि राजमार्ग भने अवरुद्ध भएको छ । नेपागंज सुर्खेत वाट आउने र जुम्ला कालीकोट वाट जाने यातायातका साधनहरु विच वाटो मै रोकिएका छन ।
वाटो अवरुद्धले गन्तव्यमा पुग्न नसकेका यात्रुहरु भने मर्कामा परेका छन । वाटो खुलाउने प्रयास भइरहेको भएपनि खुचारु हुन केही दिन लाग्ने प्रहरीले वताएको छ ।
