बिराटनगर ,३१ वैशाख ।
उपप्रधानमन्त्री तथा स्थानीय विकास मन्त्री कमल थापाले मधेशी मोर्चालाई मान्य हुने समिति गठन गर्न सरकार तयार रहेको बताउनु भएको छ ।
बिराटनगर विमानस्थलमा आज सञ्चारकर्मीसँगको कुराकानीमा मन्त्री थापाले आफ्नो संयोजकत्वमा रहेको राजनीतिक समितिलाई विघटन गरी अर्को समिति बनाएर अगाडि वढ्न आह्वान समेत गर्नुभयो ।
उहाले आफ्नो लागि संयोजक पद भन्दा राष्ट्र महत्वपूर्ण हुने भन्दै मोर्चा वार्ता मार्फत् सहमतिमा आउन प्रतिवद्ध भने हुनुपर्ने धारणा राख्नुभयो ।
उहाले सीमांकन सम्वन्धि विवादलाई राजनीतिक समिति बनाएर तीन महिनाभित्र टुंग्याउन सरकार तयार रहेको भएपनि मधेशी मोर्चाका कारण समितिलाई पूर्णता दिन नसक्दा वार्ता प्रक्रियामा ढिलाइ भइरहेको जानकारी दिनुभयो ।
समिति गठन गरेर वार्ता र छलफलबाटै मोर्चाको माग सम्वोधन गर्न प्रतिपक्ष दल नेपाली कांग्रेस, सत्तारुढ दल एमाले र एमाओवादीबीच सैद्धान्तिक सहमति भइसकेकाले झिना मसिना कुरालाई आधार मानेर मुलुकलाई अस्थिरतातर्फ धकेल्ने काम नगर्न मोर्चालाई आग्रह समेत गर्नुभयो ।
अर्को प्रशंगमा उहाले स्थानीय निकायको निर्वाचन गराउन कुनै कानूनी वाधा अड्चन नभएकाले आगामी मंसिरमा निार्वाचन गराउने गरी सरकार अघि बढिरहेको जानकारी दिनुभएको थियो
