काठमाण्डौ, ३१ वैशाख ।
प्रधानमन्त्री केपी शर्मा ओली र नेपाल भ्रमणमा रहनुभएका चीनका सञ्चारमन्त्री काई फुचाओबीच आज भेटवार्ता भएके छ ।
प्रधानमन्त्री निवास बालुवाटारमा भएको भेटमा द्धिपक्षीय सम्बन्ध, आपसी हित र दुई देशबीचका सञ्चार माध्यमहरुको सहकार्य र विकास तथा पत्रकारहरुको भ्रमण आदान प्रदान लगायतका विषयमा छलफल भएको प्रधानमन्त्रीको निजी सचिवालयले जनाएको छ ।
भेटका अवसरमा चीनका सञ्चारमन्त्रीले चीन र नेपाल दुई असल छिमेकी भएको र दुई देशको सम्बन्ध ऐतिहासिक रहेको उल्लेख गर्दै प्रधानमन्त्रीको चीन भ्रमणका बेला दुई देशबीच भएका सम्झौता र समझदारीको व्यबहारमा कार्यान्वयन गर्नका लागि पनि आफ्नो भ्रमण केन्द्रित रहेको बताउनुभयो ।
प्रधानमन्त्री ओलीले चीनका सञ्चारमन्त्रीको नेपाल भ्रमणले दुई देशको सम्बन्ध विकासमा थप सहयोग पुगेको उल्लेख गर्नुहुँदै सूचना प्रविधिको क्षेत्रमा चीनले गरेको प्रगतिको अनुभव र सहयोगबाट नेपालको आधुनिकिकरणमा मद्दत पुग्ने विश्वास व्यक्त गर्नुभयो ।
प्रधानमन्त्रीले आफ्नो चीन भ्रमणका बेला भएका सम्झौता र समझदारीको कार्यान्वयन गर्न मन्त्रीपरिषदले एक उच्चस्तरीय कार्यदल गठन गरेको जानकारी पनि चीनिया सञ्चारमन्त्रीलाई गराउनुभयो । उहाँले भूकम्पका बेला चीन सरकारले पुर्याएको सहयोग र अहिले पुनर्निर्माणमा पु¥याइरहेको सहयोगको प्रशंसा पनि गर्नुभयो ।
