काठमाडौ २९ वैशाख ।
इन्डियन प्रिमियर लिग आईपीएल क्रिकेटमा सनराइजर्स हैदरावादद्धारा पुणे सुपरजाइन्ट्स चार रनले पारजित भएको छ ।
गएराति विशाखा पट्टनममा भएको खेलमा १ सय ३८ रनको लक्ष्य पछ्याएको पुणेले निर्धारित ओभरमा ८ विकेट गुमाएर १ सय ३३ रनमा समेटियो ।
पुणेका एडम जाम्पाले चार ओभरमा १९ रन दिएर ६ विकेट लिए पनि टिमलाई हारबाट जोगाउन सकेनन् । पुणेका कप्तान महेन्द्र सिंह धोनीले २० बलमा ३० तथा जर्ज बेलीले ४० बलमा ३४ रन बनाए ।
पुणेको इनिङ्स ध्वस्त पार्ने क्रममा हैदरावादका आशिष नेहराले तीन विकेट लिए । खेलमा पहिले ब्याटिङ गरेको हैदरावादले ८ विकेटको क्षतिमा १ सय ३७ रन बनायो ।
उसका लागि शिखर धवनले ३३, केन विलियम्सनले ३२ तथा युवराज सिंहले २३ रन बनाए । १० खेलबाट १४ अंक जोडेको हैदरावाद शीर्ष स्थानमा छ भने ११ खेलबाट ६ अंक मात्र जोडेको पुणे सातौं स्थानमा छ ।
