काठमाण्डौ ,२८ वैशाख ।

सदभावना पार्टीका नेता अनिलकुमार झा रौतहटमा मृत अवस्थामा फेला परेका छन् । रौतहटको समनपुर–१ का ४५ वर्षीय झा वागमती नदीमा मृत अवस्थामा फेला परेका हुन्।

रौतहट क्षेत्र नम्बर ४ का सदभावना पार्टीका क्षेत्रीय अध्यक्षसमेत रहेका झा सर्लाहीको बरहथवा गाविसमा रहेको खेतीपाती हेर्न गएका थिए ।
रातभरी नफर्केपछि आफन्तले खोजी गर्दा बागमती खोलाको पानीमा आज विहान मृत अवस्थामा फेला परेको इलाका प्रहरी कार्यालय समनपुरले जनाएको छ ।

खोलामा साइकलले पानीमा थिचिएर लडेको अवस्थामा झाको शव फेला परेको प्रहरीले जनाएको छ । उनले मादक पदार्थ सेवन गरेको हुनसक्ने प्रहरीले अनुमान गरेको छ ।

मृतकको शव जिल्ला अस्पताल गौरमा पोस्टमार्टमका लागि राखिएको छ । घटनाको विषयमा गहन रुपमा अनुसनधान भइरहेको प्रहरी उपरिक्षक गणेश रेग्मीले वताउनुभयो ।

भिसाको उद्देश्य विपरीत काम गर्ने १० विदेशी नागरिक निष्कासित, तीन वर्ष नेपाल प्रवेशमा प्रतिबन्ध

आज पश्चिमी वायुको आंशिक प्रभाव, पहाडी क्षेत्रमा हल्का वर्षा

भारतबाट मोटरसाइकलमा गोप्य ठाउँ बनाई ल्याइएको ३० लाखसहित एक जना पक्राउ, गौरको व्यापारिक प्रतिष्ठानबाट थप १४ लाख बरामद

वीरगञ्जमा ७ लाख रुपैयाँ बराबरका अवैध पटाका खाल्डोमा पुरेर नष्ट

‘प्रहरी र नागरिकबीचको दूरी अन्त्य होस्’

प्रदेश प्रमुखसमक्ष आदिवासी जनजाति आयोगको सातौँ वार्षिक प्रतिवेदन पेश