भक्तपुर, २७ बैशाख ।
वर्षको तीन दिन मात्र भक्तजनहरुको लागि खुल्ला हुने भक्तपुरको सिपाडोलमा अवस्थित केदारनाथको शिर डोलश्वर मन्दिरमा आज अक्षय तृतीयाका दिन खुल्ला गरिएको छ ।
आज अक्षय तृतियाका दिन बिहानैदेखि भक्तजनहरुको लागि मन्दिरका चारै ढोका खुल्ला गरिएको केदारनाथको शिर डोलेश्वर महादेव संरक्षण तथा बिकास समितिले जनाएको छ । समितिका अनुसार सो मन्दिर भक्तजनहरुका लागि अक्षय तृतीया, भदौ ६ गते र शिवरात्रीका दिन मात्र मन्दिर खुल्ला गरिन्छ ।
पछिल्लो समयमा धार्मिक क्षेत्रका रुपमा परिचित डोलेश्वर मन्दिरमा पूजा आजा गर्न उपत्यका लगाएत आसपासका जिल्लाबाट समेत भक्तजनहरु बिहानै देखि मन्दिरमा आएका थिए । यसैगरी आज जौको सातु र सर्वत दान गरी आज अक्षय तृतीया पर्व मनाइन्छ ।
हिन्दु धर्मावलम्बीले हरेक वर्ष वैशाख शुक्ल तृतीयाका दिन यो पर्व मनाउने गरिन्छ । यो दिन खँुदो र महको सर्वत तथा जांैको सातु खानाले गर्मीयाममा शरीर स्वस्थ राख्न र पानीको मात्रा बढाउन सहयोग पुग्ने विश्वास गरिन्छ ।
यस्तै बुढाबुढीलाई छाता, लौरो र कपडाको जुत्ता दान गर्ने प्रचलन पनि रहि आएको छ । आज गरिएका सबै सत्कर्महरुले अक्षय पुण्य प्राप्त हुने धार्मिक विश्वास रहेको छ । आजैका दिन महादेव र हिमालय पुत्री पार्वतीको बिबाह भएको किंबदन्ती रहेको छ । आजको दिन बिबाहका लागि लगन जुराइरहनु नपर्ने ज्योतिषहरु बताउछन् ।
