काठमाडौ २७ वैशाख ।
इंग्लिस प्रिमियर लिग अन्तर्गत गएराति सम्पन्न खेलमा लिभरपुलले वाट्फोर्डलाई २–० ले पराजित गरेको छ । खेलको ३५ औं मिनेटमा जोए एलेनले गोल गर्दै लिभरपुललाई सुरुवाती अग्रता दिलाए ।
पहिलो हाफमा १–० ले अघि रहेको लिभरपुलका लागि ७६ औं मिनेटमा रोबर्टो फिरमिनोले गोल गर्दै अग्रता दोब्बर पारे । त्यसपछि दुवै टोलीबाट गोल हुन सकेन र लिभरपुल २–० ले विजयी भयो ।
जितपछि आठौं स्थानको लिभरपुलको लिगको दुई खेल बाँकी छँदा ५८ अंक भएको छ । ३६ खेलबाट ४४ अंक जोडेको वाट्फोर्ड १३ औं स्थानमा छ ।
गएराति नै सम्पन्न अन्य खेलमा चौथो स्थानको म्यानचेस्टर सिटी तेस्रो स्थानको आर्सनलसँग २–२ को बराबरीमा रोकिएको छ ।
आसर्नलका लागि ओलिभर जिरउड र एलेक्स सान्चेजले एक एक गोल गरे भने म्यानचेस्टर सिटीका लागि सर्जियो अग्युरो र केविन डी ब्राउनले एक एक गोल गरे ।
बराबरीपछि लिगको एक खेल बाँकी हुँदा म्यानचेस्टर सिटीको ६५ अंक भएको छ । दुई खेल बाँकी रहेको म्यानचेस्टर युनाइटेडको ६३ अंक छ । तेस्रो स्थानको आर्सनलको एक खेल बाँकी हुँदा ६८ अंक भएको छ ।
