काठमाडौ । चलचित्र ‘सत्यदिप’ आगामी जेठ २१ बाट एकसाथ देशभर प्रदर्शनमा आउने चलचित्र हो । आफ्नो प्रदर्शन मिती नजिकिदै गर्दा चलचित्रले नयाँ प्रोमो सार्वजनिक गरेको छ । बिहिबार बुढासुब्बा डिजिटल प्रालीको युट्युव मार्फत प्रोमो सार्वजनिक गरिएको हो । सार्वजनिक नयाँ प्रोमोमा प्रेम, रोमान्स र एक्सनका दृश्यहरु समेटिएका छन् ।
चलचित्र गीत संगीतकै माध्यमबाट समाजमा सकरात्मक सन्देश दिन सकिन्छ भन्ने सन्देश प्रवाह गर्ने चलचित्र ‘सत्यदिप’मा पुष्कार घिमिरेको निर्देशन रहेको छ । चलचित्रमा रबि गिरी, उमा बेबी, दिब्येस्वर गौतम, सबिना केसी, जिवन गिरी ,श्याम केसीलगायतका कलाकारको अभिनय रहने छ ।
उपत्यकाको आसपासमा छायाँकन भइरहेको चलचित्रमा शम्भु सापकोटाको छायाँकन, कमल राइको नृत्य र अष्ट महर्जनको द्वन्द्वछ । निकै कणप्रिय गीतहरु समेटिएको चलचित्रमा अर्जुन पोखरेलले संगीत दिएका छन् ।
