काठमाडौँ। लोक गायक तथा युवा कलाकार गोपाल तिमल्सिनाको नयाँ गाईजात्रे हास्यव्यङ्ग्य प्रस्तुति ‘किन हो किन गाईजात्रा २०८३’ सार्वजनिक भएको छ। नेपाली समाजमा विद्यमान विकृति, विसङ्गति तथा समसामयिक राजनीतिक एवम् सामाजिक घटनाक्रमलाई मनोरञ्जनात्मक र प्रहसन शैलीमा प्रस्तुत गरिएको यो सामग्रीले अहिले दर्शकको राम्रो ध्यानाकर्षण गरिरहेको छ।
कलाकार तिमल्सिनाले यो वर्षको गाईजात्रा आफ्नै आधिकारिक युट्युब च्यानल ‘Gopal Timalsina’ मार्फत बजारमा ल्याएका हुन्। लामो समयदेखि कला र संगीतको क्षेत्रमा छुट्टै पहिचान बनाउन सफल उनले विगतका वर्षहरू झैँ यस वर्ष पनि गाईजात्राको परम्परालाई निरन्तरता दिएका छन्।
तीखो व्यङ्ग्य र मनोरञ्जनको बेजोड मिश्रण रहेको यस प्रस्तुतिलाई दर्शक तथा श्रोताहरूले मन पराएका छन्। सामाजिक सञ्जाल तथा युट्युबमा यो गाईजात्रा प्रस्तुतिको अहिले निकै चर्चा भइरहेको छ।
