ताप्लेजुङ ,२६ वैशाख ।
ताप्लेजुङको प्रसिद्ध पाथीभरा देबी मन्दिरको पछिल्लो भेटी एक महिना नबित्दै साढेँ चौध लाखबढी संकलन भएको पाथीभरा मन्दिर भेटीघाटी व्यवस्थापन समितिले सार्बजानिक गरेको छ ।
पाथीभरा क्षेत्र विकास समिति र पाथीभरा मन्दिर संरक्षण तथा संबद्र्धन समितिको सहकार्यमा मन्दिरको भेटीघाटी संकलन तथा सार्बजानिक गरिदै आएको छ ।
पछिल्लो समय २०७२ साल चैत्र ३० गते सार्बजानिक गरिएको भेटी २०७३ साल बैशाक २२ गतेसम्म १४ लाख ४४ हजार एकसय पचास नेपाली रुपैयाँ र ३७ हजार भारतीय रुपैयाँ संकलन भएको छ ।
विभिन्न स्थानबाट आएका तिर्थालुबाट चढाईएको सुन र चाँदीका विभिन्न सामाग्रीहरू पनि संकलन भएको छ । सुन तिलरी २ थान, जन्तर २, जुनकीरी १, सिक्री २, औँठी २, छाता ३, टप ४, टीका २८, त्रिशुल ७, शिरबन्दी १, फुली ३, तार २, मुर्ती १ र नत्थी ८ थान संकलन गरिएको छ ।
चाँदीको दियो ५९, कलस ४, अंखोरा ३, छत्री १९, घण्टी २, पाथी २, सिक्री ४, चुरा ६, मुर्ती २, पैसाको माला ३, पाउजु २६ र खुकुरी ३ थान संकलन भएको छ ।
पाथीभरा मन्दिरको भेटी निरन्तर सार्बजानिक गर्दै जाने पाथीभरा क्षेत्र विकास समितिका कार्यकारी निर्देशक उदय भट्टराईले जानकारी दिए ।
