८ वैशाख, काठमाडौं । नेपाली काग्रेसका नेता रामचन्द्र पौडेलले प्रधानमन्त्रीले माफी मागेपछि मात्रै प्रस्तावित न्यायाधीश र राजदूतको संसदीय सुनुवाई हुने बताउनु भएको छ ।
प्रधानमन्त्री केपि ओलीले नै संसदीय सुनवाई समिति छैन भनेर न्यायपरिषदको सदस्यमा सिफारिस रामप्रसाद सिटौलाको नाम फिर्ता लिएको भन्दै नेता पौडेलले ओलीले यस बिषयमा माफि माग्नुपर्ने बताउनु भयो ।
संसदीय सुनुवाई समिति कायमै छ भनेर आत्मलोचनासहित प्रधानमन्त्री केपी शर्मा ओलीले माफी माग्नु पर्छ , पौडेलले भन्नुभयो , प्रधानमन्त्रीले त्यसलाई सच्याएर संसदीय समिति कायमै छ भनेर आत्मलोचना नगरेसम्म संसदीय सुनवाई हुन सक्दैन ।’
अन्यथा संविधान अनुसार प्रतिनिधिसभा र राष्ट्रिय सभाको निर्वाचन भएर समिति नबनुन्जलेसम्म सिफारिस गरिएका न्यायाधीश र राजदूतहरुले पर्खिएर बस्नु पर्ने उहाको तर्क छ ।
काग्रेसले संविधान संशोधन गरेर सुनवाई समिति गठन गर्ने पक्षमा नरहेको भन्दै पौडेलले पुरानै सुनवाई समितिले सुनवाई गर्नु पर्ने या नयाँ बनेपछि मात्रै हुनेमा जोड दिनु भयो ।
