मुगु, ३ बैशाख । एकिकृत नेकपा माओवादीका अध्यक्ष पुष्पकमल दाहालले भोकमरीबाट पीडित मुगुबासीलाई तत्काल राहत उपलब्ध गराउन सरकारसँग माग गर्नुभएको छ ।
मुगुमा आयोजित जनसभालाई सम्बोधन गर्दै अध्यक्ष दाहालले खडेरीसँग जुधिरहेको मुगुमा तत्काल खाद्यान्य उपलब्ध गराउन आफूले पहल गर्ने आश्वासन सुमेत दिनुभयो ।
उहाँले पहिलेका सरकारहरुले कर्णालीलाई दोस्रो दर्जाको नागरिकको रुपमा लिने गरेको भन्दै अव त्यस्तो नहुनेमा ढुक्कहुन मुगुवासीलाई आग्रह गर्नुभयो । उहाँले भन्नुभयो, ‘यस अघिका सरकारले कर्णालीलाई दोस्रो दर्जाको रुपमा लिए, अव त्यस्तो हुँदैन ।’
अध्यक्ष दाहालले मुगुमा रहेको रारा ताललाई पर्यटकीय रुपमा विकास गर्दै पर्यटकको आकर्षण बढाउनुपर्नेमा जोड दिदै
चीनसँग सीमाना जोडिएको नाक्चेलग्ना नाका खोल्न सरकारसँग माग गर्नुभयो ।
यस्तै एमाओवादीका अर्का नेता जनार्दन शर्माले मुगुबाट देशले फाइदा लिनसक्ने धेरै वस्तुभएपनि लिन नसकेको बताउनुभयो ।े मुगुको विकासले देशको समग्र विकास हुने उहाँले उल्लेख गर्नुभयो ।
नयाँ वर्षको अवसरमा आयोजित कार्यक्रममा मुगुवासीले जिल्लाको नाम परिवर्तन गरी रारा राख्नुपर्ने, गमगढी सडकको स्तरउन्नती लगायतका काम गर्न पहल गरिदिन दाहालसँग आग्रह गरेका थिए ।
