काठमाडौ २ वैशाख । धरान फुटबल क्लब पोखरा कप फुटबल प्रतियोगिताको क्वाटरफाइनलमा प्रवेश गरेको छ ।
पोखरा रंगशालामा आज भएको खेलमा आयोजक पोखरा ११ लाई एक शून्य गोल अन्तरले हराएर धरान क्वाटरफाइनलमा पुगेको हो ।
धरानका तिर्थ बस्नेतले खेलको ७३ औं मिनेटमा गोल गरे । धरानले क्वाटरफाइनलमा भारतको दिल्ली यूनाईटेडसँग वैशाख ७ गते खेल्नेछ ।
प्रतियोगिता अन्र्तगत भोली नेपाल आर्मी र सरस्वती क्लबबिच अन्तिम प्रिक्वाटरफाइनल खेल हुनेछ । खेल पोखरा रंगशालामा दिउँसो १ बजे सुुरु हुने आयोजकले जनाएको छ ।
प्रतियोगितामा यसअघि सशस्त्र प्रहरीको एपिएफ क्लब र झापा ११ क्वाटरफाइनलमा प्रवेश गरिसकेका छन् ।
वैशाख ११ गतेसम्म चल्ने प्रतियोगिताको विजेताले नगद पाँच लाख ५ हजार ५ सय ५५ र उपविजेताले दुई लाख ५५ हजार ५ सय ५५ रुपैयाँ पुरस्कार पाउने छन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
