बैशाख २, २०७३ । वरिष्ठ न्यायधीश शुसीला कार्कीले आजबाट सर्वोच्च अदालतको कायम मुकायम प्रधानन्यायधीशको जिम्मेवारी सम्हाल्दै हुनुहुन्छ ।
चैत्र ३० बाट कल्याण श्रेष्ठले अनिवार्य अवकाश पाएकाले शुसीला कार्कीले सो जिम्मेवारी आजबाट सम्हाल्न लाग्नु भएको हो ।
आजबाट उहाले मुद्धाको ईजलाश तोक्ने लगायतका विभिन्न निर्णय गर्नु हुने छ ।
तर संसदीय समिति नबनेको र सभामुखले सहमति दिईनसकेका कारण कार्कीको औपचारीक नियुक्ति प्रकृया अझै टुंगो भने लागेको छैन ।
व्यवस्थापिका संसदको कार्यसञ्चालन नियमावली र संसदीय सुनुवाई विशेष समितिको अभावमा उहाको औपचारीक नियुक्ति ढिलो हुने संकेत देखिएको छ ।
यस अघि ११ जना न्यायधीश र निर्वाचन आयुक्तको सिफारीस पनि ससदीय सुनुवाईको अभावमा नियुक्ति हुन सकेको छैन ।
सभामुख ओनसरी घर्तीले उनीहरुको सिफारीस फिर्ता गरे पछि निकै विवाद बढेको थियो । न्यायपरिषद्ले यस अघि नै शुसीला कार्कीलाई प्र्रधानन्यायधीशमा सिफारीस गरीसकेको छ ।
