काठमाडौ २९ चैत्र ।
काठमाडौं उपत्यकाका सबै उपभोक्तालाई ग्यास र्पुयाउने उदेश्यले आजबाट एक साता सम्म ग्यास वितरण अभियान सञ्चालन हुदैछ ।
अभियानको पहिलो दिन आज भक्तपुरका सबै डिलरमा ग्यास र्पुयाउने र बिहान ११ बजेदेखि वितरण थाल्ने तयारी भएको ग्यास उद्योग संघका अध्यक्ष शिवप्रसाद घिमिरेले बताउनुभयो ।
यस्तै भोली काठमाडौंको नयाँ बानेश्वर, कोटेश्वर, बत्तिसपुतली, शंखमूल, माइतीघर, बुद्धनगर र बबरमहल क्षेत्रमा ग्यास वितरण हुनेछ ।
तालिका अनुसार वैशाख २ गते काठमाडौंको पुरानो बानेश्वर, सिनामंगल, गौशाला, चाबहिल, बौद्ध, चुच्चेपाटी, कपन, साँखु, सुन्दरीजल र नयाँबस्ती क्षेत्रमा ग्यास बिक्री हुनेछ ।
यस्तै ३ गते ललितपुर क्षेत्रमा तथा ५ गते काठमाडौंकै न्यूरोड, असन, लगन, पुतलीसडक, कालिकास्थान, त्रिपुरेश्वर, डिल्लीबजार, ज्ञानेश्वर र मैतीदेवीका उपभोक्ताले ग्यास पाउने छन् ।
४ गते भने शनिबार परेकाले ग्यास बिक्री नहुने संघले जनाएको छ । यस्तै ६ गते कंलकी, थानकोट, बल्खु, कीर्तिपुर, सतुंगल, कालिमाटी, बाफल, बालाजु, सीतापाइला र स्वयम्भूमा ग्यास वितिरण गर्ने तालिका छ ।
अभियानको अन्तिम दिन अर्थात ७ गते महाराजगञ्ज, बुढानिलकण्ठ, गोंगबु, लाजिम्पाट, दरबारमार्ग, बालुवाटार, विशालनगर, भाटभटेनी र धुम्बाराही क्षेत्रमा ग्यास बिक्री गरिने उद्योगीले बताएका छन् ।
उद्योगीका अनुसार लामो समयदेखि ग्यास अभाव खेप्दै आएका उपभोक्तालाई मात्रै वितरण गरिनेछ । सबै उपभोक्तलाई ग्यास र्पुयाउन प्रति परिवार एक सिलिण्डर मात्रै वितरण गर्ने तयारी भएको छ ।
