एजेन्सी ,२८ चैत ।
आईपिएल क्रिकेटको ९ औ संस्करणमा राईजिङ पुणेले विजयी सुरुवात गरेको छ । शनिवार राति भएको उद्घाटन खेलमा राईजिङ पुणे सुपरजाईन्टस्ले मुम्बई ईन्डियन्सलाई ९ विकेठले पराजित गरेको छ ।
१ सय २२ रनको लक्ष पाएको पुर्णेले १४ दशमलभ ४ ओभरमा पुरा गर्यो । पुणेका अजिन्का रहाणेले सात चौका र ३ छक्का प्रहार गर्दै ६६ रन बनाएका थिए । यस्तै केविन पिटरसनले दुई छक्काको मदतमा २१ रन जोड्दा फाफ डु प्लेसीस ३४ रन बनाएका थिए
यसअघि पहिले ब्याटिङ गरेको मुम्बईले आठ विकेट गुमाएर १ सय २१ रन बनाएको थियो । मुम्बईले ५१ रन जोड्दा ६ विकेट गुमाएपछि धरासायी बनेको थियो ।
हरभजन सिंहले ४५ रन बनाएपछि मुम्बईले आठ विकेट गुमाएर १२१ रनको सन्तोषजनक स्कोर बनाउन सफल भएको थियो ।
पुणेंका ईन्शात शर्माले दुई विकेट लिएर ३६ रन दिए भने मिचेल मार्शले पनि २१ रन दिएर दुई विकेट नै लिए ।
