झापा, २७ चैत । मोफोसलकै सर्वाधिक पुरस्कार राशीको झापा गोल्ड कपको उपाधि नेपाल आर्मीले हात पारेको छ । झापा ११ लाई १ –० को गोल अन्तरले पराजित गर्दै नेपाल आर्मीले उपाधि जितेको हो ।
उपाधिसंगै आर्मीले नगद ६ लाख रुपैयाँ सहित ट्रफी र प्रमाणपत्र पनि पाएको छ । नेपाल आर्मीका लागि नवयुग श्रेष्ठले खेल शुरु भएको २२ औं मिनेटमा गरेको गोल नै निर्णयक बन्यो ।
प्रतियोगिता अन्र्तगत घरेलु दर्शकको साथ पाएको झापा ११ ले उप विजेतामा चित्त वुझायो । उसले नगद रु ३ लाख सहित ट्रफी र प्रमाणपत्र हात पारेको छ ।
पटक– पटक पाएको अवसरको सदुपयोग गर्न नसक्दा झापा ११ ले उपविजेतामा नै चित्त वुझाउनु प¥यो ।
आहा रारा गोल्डकप र हेटौडा गोल्डकपको उपविजेता आर्मी राष्ट्रिय टोलीका खेलाडीहरु भरत खवास, विकेश कुथु, नवयुग श्रेष्ठ र जितेन्द्र कार्कीका साथ आर्मी आज मैदान उत्रिएको थियो ।
यता घरेलु मैदानमा रहेको झापा ११ इलामको माइभ्याली गोल्डकप विजेता टिम हो । त्यस यता भएका अन्य प्रतियोगितामा उत्कृष्ट प्रदर्शन गर्न झापा ११ ले सकेको थिएन ।
विराट गोल्डकपमा भने झापा ११ उपविजेतामै सिमित बनेर घर फर्किएको थियो । प्रतियोगितामा ह्याट्रिक सहित सर्वाधिक ७ गोल गरेका कर्ण लिम्बू झापाका मुख्य खेलाडी मानिएपनि उपाधि गुमाउनु प¥यो ।
चोट मुक्त हुँदै मैदान फर्किएका नरेन्द्रमणी लिम्बू र खमिर गिल्सन कन्दङ्वाको उपस्थितिले टोलीको मनोबल बढाएपनि झापा ११ उपविजेतामा नै सिमति बन्यो ।
