काठमाण्डौ ,२६ चैत ।
नेपाल बार एसोसिएसनको नयाँ नेतृत्व चयनका लागि भएको निर्वाचनको मतगणना आज सार्वजनिक गरिदैछ । बिहान ९ बजे बाट बाकी १ हजार भन्दा बढी मत गणना हुने निर्वाचन समितिले जनाएको छ ।
काठमाण्डौ जिल्ला अदालत वार ईकाई र पाटन पुनरावेदन अदालको बार ईकाईको मत गन्न बाकी छ । अहिले सम्मको गणना अनुसार प्रजातान्त्रिक समुहबाट शेर बहादुर केसीको प्यानल अग्रस्थानमा रहेको छ ।
हिजो साझ सम्मको परिणाम अनुसार ६७८१ मत गणना हुँदा सम्म केसिले ३३०५ मत प्राप्त गर्नुभएको छ भने अर्का प्रत्यसी वर्तमान अध्यक्ष विजयकान्त मैनालीले ३ हजार ९० मत पाउनु भएको प्रमुख निर्वाचन अधिकृत हरिकृष्ण निरौलाले जाकारी दिनु भयो ।
त्यस्तै महासचिवमा खुमबहादुर खातीले ३ हजार १ सय ४७ मत पाउनु भएको छ । अर्का प्रत्यासी निदमणी पोख्रेलले २ हजार ९ सय ७० मत ल्याउनु भएको छ ।
यस्तैकोषध्यक्षमा ज्ञानरत्न शाक्य ३ हजार ४ सय४९ मत ल्याएर अगाडि हुनुहुन्छ भने अर्का प्रतिस्पर्धी हरिबहादुर खड्काले २ हजार ९ सय २ मत ल्याउनु भएको छ ।
पदाधिकारी सहित २५ नयाँ कार्यसमितिका लागी ७१ जना चुनावी प्रतिस्पर्धामा छन् ।
