काठमाण्डौ, २१ चैत्र ।
ब्यावस्थापिका संसद अन्तरगतको वातावरण संरक्षण समितिले बन्यजन्तुको अंग प्रत्यङगलाई ब्यावस्थित रुपमा राख्न सरोकारवाला पक्षलाई निर्देशन दिएको छ ।
समितीले सरकारी संरक्षणमा रहेको ती बन्यजन्तुको अंग प्रत्यङग सडेर पहिचान हुन नसक्ने अवस्थामा रहेका कारण व्यवस्थित र शुरक्षित राख्ने भनेको हो ।
समितिले संरक्षण केन्द्रलाई सुरक्षित राख्न आवश्यक कानुन, अत्याधुनिक भवन, प्रशोधनशाला, वारकोड प्रयोगका लागि पर्याप्त बजेट उपलब्ध गराउन सरकारलाई समेत निर्देशन दिएको छ ।
समितिले शसस्त्र प्रहरी बनरक्षक तालिम केन्द्र, चितवन राष्ट्रिय निकुन्ज, टिकौलि र कसरामा रहेका अखेटोपहरा संरक्षण केन्द्र लगायतका निकायलाई बन्यजन्तुको अंग प्रत्यङगलाई सुरक्षीत राख्न निर्देशन दिएको छ ।
मुलुकका विभिन्न स्थानमा रहेका संरक्षण केन्द्रको अनुगमनपछि सो केन्द्रहरुमा हाल रहेका अखेटोपहार कुहिएको तथा सडेकाले तिनको संख्या, तौल र आकार समेत नबुझीने अवस्थामा रहेको समितिले जनाएको छ ।
