चैत्र २१ एजेन्सी ।
भारतमा जारी आईसीसी टि ट्वेन्टी वल्र्ड कपको उपाधिका लागि आज वेष्ट ईन्डिज र ईङल्याण्डबीच प्रतिस्पर्धा हुदै छ ।
साझ सवा ७ बजे कोलकत्ताको ईडेन गार्डेनमा हुने खेलमा जीत हात पार्नेमा दुवै टिमको दाबी छ ।
वेष्टईन्डिजले बलियो प्रतिद्धन्दी भारतलाई ७ विकेटले हराउदै फाईनल यात्रा तय गरेको थियो भने ईङल्याण्डले न्यूजील्याण्डलाई पाखा लगाउदै उपाधी यात्रा तय गरेको थियो ।
आज वेष्ट ईन्डिज र ईङल्याण्ड जसले उपाधि जितेपनि उसका लागी दोस्रो जित हुने छ । यी दुई टोलि पूर्व विजेता हुन् ।
ईङल्याण्डले सन् २०१० मा क्यारेबियन भूमिमा उपाधि जितेको थियो भने वेष्टईण्डिज दुई बर्ष पछि श्रीलंङकामा टि ट्वान्टिको विश्व च्याम्पियन बन्यो ।
यी दुई टिम यसअघि पनि आमनेसामने भईसकेकाले आजको फाईनल खेल निक्कै रोमान्चक र आक्रामक हुने देखिएको छ । उद्घाटन खेलमा पनि वेष्ट ईन्डिज र ईङल्याण् नै भिडेका थिए।
वेष्टईन्डिजका कप्तान ड्यारेन सामीले क्यारेबियन क्रिकेट समर्थकहरुलाई खुसी पार्न आफ्नो टिम सक्षम रहेको बताएका छन् ।
त्यस्तै ईङल्याण्डका कप्तान ईयोन मोरगानले पनि आफ्नो टिम जीतको नजिक रहेको धारणा राखेका छन् ।
