काठमाण्डौ, २० चैत्र । कानुन व्यवसायीहरुको छाता संगठनन नेपाल बार एसोसिएसनको नयाँ नेतृत्व चयनका लागि भएको मतदान सम्पन्न भएको छ ।
जम्मा ९ हजार ५ सय २२ जना मतदाता रहेकामा काठमाण्डौ उपत्यकामा मात्रै झण्डै ४ हजार ४ सय ९६ मत खसको अधिवक्ता बाबराम दाहालले जानकारी दिनुभयो । अन्य क्षेत्रबाट भोली साँझसम्म मतपेटिका काठमाण्डौ आईपुग्ने अधिवक्ता दाहालले जनाउनु भयो ।
आज बिहान ८ बजेदेखि सुरु भएको मतदानमा उद्योगमन्त्री समेत रहनु भएका अधिवक्त सोमप्रसाद पाण्डेले पहिलो मत खसाल्नु भएको छ । देशैभरीका ३३ ओटा केन्द्रबाट मतदान गर्ने व्यवस्था मिलाइएको थियो । आगामी नेतृत्वका लागि चार जना अध्यक्षका प्रत्यसी चुनावी मैदानमा रहेका छन् ।
यद्यपी चार जना मैदानमा भएपनि मूख्य रुपमा दुई समूहबीच कडा प्रतिस्पर्धा हुने देखिएको छ । लामो समयदेखी बारमा नेतृत्व गर्दै आएको लोकतान्त्रिक समुह र प्रगतिशिल समुहबीच नै यसपटक पनि कडा प्रतिस्पर्धा हुने देखिएको हो ।
बृहत लोकतान्त्रिक कानुन व्यवसायीको समुहबाट अधिवक्ता शेरबहादुर केसी र बृहत प्रगतिशील पेसागत राष्ट्रवादी तथा गणतान्त्रिक कानुन व्यवसायी समुहबाट अधिवक्ता बिजयकान्त मैनाली प्रतिस्पर्धामा उत्रिएका छन् ।
यस्तै पहिचान एवं संघियतावादी समुहबाट अधिवक्ता मनोहर साह र कानुन अध्यन समाज नेपालका तर्फबाट अधिवक्ता रामप्रसाद प्रजापति पनि अध्यक्षको प्रतिस्पर्धामा हुनुहन्छ ।
पदाधिकारीसहित २५ सदस्यीय नयाँ कार्यसमितिका लागी ७१ जनाको उम्मेद्वारी परेको छ ।
