काठमाडौ २० चैत्र ।
वीरगञ्ज घोषणापत्र जारी गर्दै राप्रपा नेपालको केन्द्रिय कार्यसमितिको विस्तारित बैठक आज सकिएको छ ।
केहिदिन यता विरगन्जमा जारी बैठकमा अध्यक्ष कमल थापाले प्रस्तुत गर्नुभएको प्रतिवेदनमाथि बाँकी रहेका सदस्यहरुले धारणा राखेपछि घोषणा पत्र जारी गर्दै बैठक सक्काएको पार्टी प्रवक्त मोहन श्रेष्ठले जानकारी दिनुभयो ।
विरगन्जमा तीन दिनसम्म चलेको बैठकमा प्रतिवेदनमाथि धारणा राख्ने अधिकांश सदस्यले सरकारमा पार्टीका तर्फबाट प्रभावकारी भूमिका निर्वाह गर्न नसकेको भन्दै आलोचना गरेका थिए ।
यस्तै पार्टीको संगठन विस्तार गर्दै हिन्दु राज्य र संवैधानिक राजतन्त्रको मुद्धा स्थापित गर्न पहल गर्नुपर्नेमा पनि सदस्यहरुको जोड थियो । यसअघि हिजोको बैठकले पार्टी सहअध्यक्ष केशरबहादुर विष्टलाई निलम्बन गरेको थियो ।
पार्टी हित विपरित गतिविधिमा संलग्न रहेको भन्दै सहअध्यक्ष विष्टलाई तीन वर्षका लागि साधारण सदस्य समेत नरहने गरी निलम्बन गरेको सहप्रवक्ता श्रेष्ठले बताउनु भयो ।
