विराटनगर, चैत्र १९
सद्भावना पार्टीका अध्यक्ष राजेन्द्र महतोले नेपालमाथि अब अन्तर्राष्ट्रिय आर्थिक नाकाबन्दी लाग्ने खतरा रहेको चेतावनी दिएका छन् । विश्वका सबै शक्ति राष्ट्रहरूले नेपालमाथि आर्थिक नाकाबन्दी गर्न सक्ने उनको चेतावनी छ ।
विराटनगरमा सञ्चारकर्मीहरूसँग कुराकानी गर्दै उनले नेपालको संविधानमा भारत, अमेरिका, बेलायत, संयुक्त राष्ट्र संघलगायतले पहिले नै गरिसकेको भन्दै महतोले भर्खरै २४ राष्ट्रको संगठन युरोपियन युनियनले असहमति जनाइसकेकाले अब नेपालमा भारतबाट मात्र नभएर अन्तर्राष्ट्रिय रूपमा नै आर्थिक नाकाबन्दीको खतरा रहेको दाबी गरे । एकदिन अघि मात्र नाकाबन्दी गर्नु अघि धेरै सोच्नु पर्ने बताएका महतोले कुरा फेर्दै पुनः नाकाबन्दीको संकेत दिएका हुन् ।
पार्टीको विस्तारित बैठकले गरेका निर्णयबारे जानकारी दिन विराटनगरमा आयोजित पत्रकार सम्मेलनमा महतोले बन्द हड्ताल नहुँदा सरकार गम्भीर नभएका कारण बैशाखदेखि गरम आन्दोलन गरिने जानकारी दिएका थिए । यद्यपि नाकाबन्दी गर्दा सरकारलाई दबाब पर्नुको साटो जनताले दुःख पाएको भन्दै उनले नाकाबन्दी गर्नुअघि धेरै सोच्नु पर्ने बताएका उनले एकदिन पछि अन्तर्राष्ट्रिय आर्थिक नाकाबन्दीको संकेत गरेका हुन् ।
