काठमाडौ १९ चैत्र ।
मन्त्री परिषदको बैठक अहिले बसिरहेको छ । प्रधानमन्त्रीको व्यस्तताका कारण हिजो स्थागित भएको बैठक आज बोलाइएको हो ।
सिंहदरबारमा जारी बैठकमा भारत र युरोपियन युनियन इयुले नेपाल मामिलामा दिएको संयुक्त वक्तव्यका विषयमा छलफल भइरहेको बताइएको छ ।
आजको बैठकले भारत इयुको संयुक्त वक्तव्यका सम्बन्धमा आधिकारिक धारणा तय गर्ने प्रधानमन्त्रीका प्रेस सल्लाहकार चेतन अधिकारीले जानकारी दिनुभयो ।
ब्रसेल्समा सम्पन्न भारत इयुको शिखर सम्मेलनपछि जारी संयुक्त वक्तव्यमा नेपालको नयाँ संविधान अपूर्ण रहेको आशय सहित समयसीमा भित्र विवादित विषय मिलाउन भनिएको छ ।
उक्त वक्तव्य नेपालको आन्तरिक मामिला माथिको ठाडो हस्तक्षेप भएको भन्दै पराराष्ट्रमन्त्रालयले यसअघि नै कडा आपत्ती जनाइसकेको छ ।
यस्तै प्रधानमन्त्रीको हालै सम्पन्न चीन भ्रमण, भूकम्पपछिको पुनर्निर्माण कार्य र मन्त्रालयका बिभिन्न एजेण्डाबारे पनि आजको बैठकमा छलफल हुने बताइएको छ ।
