काठमाडौ, १९ चैत्र ।
यस वर्षको एसएलसी परीक्षाको दोस्रो दिन आज अनिवार्य नेपाली विषयको परीक्षा हुदैछ । परीक्षा बिहान ८ बजेदेखि ११ बजेसम्म हुनेछ । यसअघि हिजो पहिलो दिन अनिवार्य अंग्रजी विषयको परीक्षा भएको थियो ।
परीक्षामा ६ लाख १५ हजार ५ सय ५३ जना परीक्षार्थी सहभागी रहेको परीक्षा नियन्त्रण कार्यलयले जनाएको छ । जस अन्तरगत नियमित तर्फ चार लाख ५२ हजार आठ सय ८१ तथा आंशिकतर्फ एक लाख ५९ हजार चार सय १७ जना रहेका छन् ।
यस्तै प्राविधिक तर्फ तीन हजार दुई सयजना परीक्षार्थी सामेल छन् । आगामी चैत्र २९ गतेसम्म सन्चालन हुने परीक्षाका लागि देशभर एक हजार ९ सय ४३ वटा केन्द्र निर्धारण गरिएको छ ।
परीक्षालाई मर्यादित र निष्पक्ष बनाउन केन्द्राध्यक्ष, निरीक्षक, सुरक्षाकर्मी सहित जम्मा ७२ हजार ८ सय ९६ जना जनशक्ति खटिइएको परीक्षा नियन्त्रक विष्णुप्रसाद काप्रीले जानकारी दिनुभयो ।
यसअघि हिजोको परीक्षा शान्तिपूर्ण रुपमा सम्पन्न भएको दावी गरेपनि विभिन्न केन्द्रबाट ९ जना निरिक्षक निस्कासित भएका थिए ।
