काठमाडौ ,१६ चैत्र । केही समय यताबाट बढ्दो लोडसेडिङ एवँ नाकाबन्दीले अवाक भएका पाठकहरुका लागि बजारमा आएका नयाँ पुराना साहित्य कृतिहरु पु¥याउने उदेश्य सहित यस डिकुरा पब्लिकेशनले यही १९ चैत्रबाट २०७३ बैशाख ७ गतेसम्म काठमाडौंको भृकुटीमण्डपमा ‘चौथो बृहत् पुस्तक प्रदर्शनी –२०७२÷७३’ आयोजना गर्ने भएको छ ।
‘पढौं र पुस्तक संस्कृतिको विकाश गरौं’ भन्ने मूल नाराका साथ सुरु गर्न लागिएको सो प्रदर्शनीको भब्य उद्घाटन १९ चैत्रमा हुनेछ ।
१९ दिनसम्म चल्ने यो प्रदर्शनीमा १ लाख २५ हजार अवलोकनकर्ताहरु भित्र्याउने लक्ष्य आयोजक सँस्थाको रहेको छ ।
प्रदर्शनीमा एक सयभन्दा बढी प्रकाशकहरुका दशौं हजार पुस्तकहरु रहने छन् । यस प्रदर्शनीमा नेपालीका साथै अंग्रेजी तथा हिन्दी भाषाका नयाँ र सँकलन योग्य क्लासिकल पुस्तकहरु समेत रहने छन् । प्रदर्शनीमा १५ देखि ४० प्रतिशत छुटमा पुस्तकहरु उपलब्ध गराइने छन् ।
प्रत्येक दिन लेखक साक्षात्कार कार्यक्रम समेत गरिने छ । यस्तै प्रदर्शनीमा लेखक, साहित्यकार, कलाकार, राजनीतिकर्मी, राजदूत, बैंकर, प्रशासक, शिक्षाविद्, समाजसेवी, आमसञ्चारकर्मी, आध्यात्मिक व्यक्तित्व र विविध पेशाकर्मीहरुको विशेष उपस्थिति गराइने छ ।
विभिन्न साहित्यिक संघ संस्थाहरु, पुस्तक प्रकाशन संस्थाहरु, पुस्तक प्रेमी पाठकहरु तथा नयाँ र पुराना पुस्ताका लेखकहरुलाई एउटै थलोमा जम्मा गराउनु प्रदर्शनीको उदेश्य हो ।
पुस्तक प्रदर्शनी सँयोजक एवँ साहित्यकार पुण्यप्रसाद प्रसाईका अनुसार यो प्रदर्शनीमा पाठकको रुचिलाई ध्यानमा राख्दै विभिन्न उमेर समुहका पाठकका रुचिका पुस्तकहरु पनि पाइने छन् ।
निजि तथा सामुदायीक पुस्तकालयका निम्ति एकमुष्ट पुस्तक किन्नेहरुका लागि सबै प्रकारका पुस्तक एकै थलोमा पाइने र बिशेष छुटको व्यबस्था गरिने सँयोजक प्रसाईले बताए ।
