काठमाडौं, चैत्र १४
दिल्लीबाट काठमाडौंका लागि आएको जेट एयरवेजको विमानमा बम रहेको हल्ला चलेपछि साँझ साढे ६ बजेसम्मका लागि बन्द गरिएको छ । विमानमा बम रहेको हल्लापछि उक्त विमानलाई ‘आसोलेसन वे’मा राखिएको छ र सुरक्षाकर्मीहरूले जाँच गरिरहेका छन् ।
काठमाडौं आउन लागेका विमानहरू बमको हल्लाले अवतरण गर्न सकेका छैनन् । विमानस्थल सुरक्षा श्रोतकाअनुसार उडान भने रोकिएको छैन । केहीबेर अघि बंगलादेशको विमान त्रिभुवन विमानस्थलबाट उडेको छ ।
त्रिभुवन विमानस्थलमा अवतरण गरेको जेट एयरवेजको विमानमा बम रहेको हल्लापछि विमानको चेक जाँच भइरहेको छ । भारतको नयाँ दिल्लीबाट त्रिभुवन विमानस्थलमा अवतरण गरेको बोइङ ७३७ विमानमा बम भएको हल्ला चलेको हो । विमानमा बम भएको हल्ला चलेपछि विमानलाई विमानस्थलको ‘आसोलेसन वे’मा राखेर जाँच भइरहेको बताइएको छ ।
विमानस्थलमा सेनाको बम डिस्पोजल टोली पनि पुगेको छ । सुरक्षाकर्मीहरूले यात्रुको जाँच गरेर सुरक्षित स्थानमा लगिसकेको विमानस्थल श्रोतले बतायो ।
