काठमाडौँ, १२ चैत । नेकपा(क्रान्तकारी माओवादी)को केन्द्रीय समिति बैठकमा अले अध्यक्ष र महासचिवको प्रतिवेदनमाथि धारणा राख्नेक्रम आजबाट शुरु भएको छ ।आजको बैठकमा १५ जनाले प्रस्तुत दुबै प्रतिवेदनमाथि धारण राखेका छन् । धारणा राख्नेमध्ये ११ जनाले अध्यक्ष बैद्यको पक्षमा धाराण राखेका थिए । उनीहरुले अहिले तत्काल पार्टी एकता सम्भव नभएकोमा जोड दिएका थिए ।
अन्य चार जनाले भने थापाको प्रतिवेदनमाथि समर्थन जनाउदै तत्काल एमाओवादीसँग पापिर्टएकता गर्नुपर्ने बताएका थिए । अन्य नमिलेका बिषयहरुलाई पार्टी एकता पछि मिलाउदै जान सकिनेमा उनीहरुको जोड थियो ।
दुई प्रतिवेदनमाथि धारणा राख्न सदस्यहरुलाई १५ मिनेटको समय दिईएको छ ।भोलीको बैठकमा पनि धारणा राख्ने क्रम जारी रहने छ । भोली सचिवालय सदस्यहरुले धारणा राख्नेछन् ।सबै केन्द्रिय सदस्यहरुले पनि प्रतिवेदनमाथि धारणा राख्ने भएकोले केन्द्रिय समिति बैठक एक साता सम्म लम्बिन सक्ने सो पार्टीले जनाएको छ ।
हिजोबाट सुरु भएको बैठकमा अध्यक्ष र महासचिवको फरक फरक दुई प्रतिवेदन पेस भएका थिए । प्रतिवेदनमा वैद्यले जनवादी क्रान्तिको कार्य्दिशालाई जोड दिनुभएको छ भने थापाले राष्ट्रिय जनवादको नयाँ कार्यक्रम प्रतिवेदनमा ल्याउनु भएको छ ।
