काठमाडौं ६ चैत्र । सत्तारुढ दल एकीकृत नेकपा माओवादीको केन्द्रिय कार्यसमितिको बैठक आज बस्दैछ ।
बिहान ११ बजेपछि पार्टी केन्द्रिय कार्यलय पेरिसडाडामा बस्ने बैठकमा वर्तमान सरकारको काम कारबाही तथा पार्टीको भावी रणनितिका विषयमा छलफल हुने बताइएको छ ।
बैठकमा मुलुकको पछिल्लो राजनितिक अवस्थाका साथै सरकारको कामकारबाहीको समिक्षा हुने पार्टी प्रवक्त दिनानाथ शर्माले जानकारी दिनुभयो ।
एमाओवादीभित्र आफ्नै पार्टीबाट सरकारमा सहभागी मन्त्रीहरुको कार्यशैलीलाई लिएर समेत आलोचना हुदै आएको छ ।
यस्तै बैंक लकरमा बन्दुकको गोली भेटेपछि पक्राउ परेका पार्टी नेता ल्हारक्याल लामाका बारेमा पनि आजको बैठकमा छलफल हुने बताइएको छ ।
उनलाई पार्टीले निस्कासनको निर्णय गर्नु पर्ने माग माओवादी भित्रै उठीरहेको स्रोतको भनाई छ ।
पछिल्लो समय वैद्य माओवादीसँग गर्ने भनिएको पार्टी एकताका विषयमा पनि आजको बैठकमा छलफल हुने जनाएको छ ।
यसअघि हिजोबाट नै बैठक सुरु गर्ने भनिएपनि पार्टी स्थायी कमिटीको नसकिएकाले आजबाट मात्र केन्द्रिय कार्यसमितिको बैठक सुरु हुन लागेको हो ।
